• Artigos do colaborador
• Outros colaboradores

XOSÉ MANUEL SÁNCHEZ REI Perfil

A Coruña, 1973

É profesor titular na Universidade da Coruña na Área de Filoloxía Galega e Portuguesa. O seu campo de estudo é a gramática da lingua galega actual e a linguaxe literaria contemporánea, temas sobre os cales ten dado a lume diversos traballos en publicacións especializadas de ámbito nacional e internacional, tales como Cadernos de Lingua, Diacrítica-Ciências da Linguagem, Revista de Letras, Revista Galega de Filoloxía, Revue Romane, Verba etc. Canto aos seus libros, saliéntanse as obras Se o vós por ben teverdes. A interpolación pronominal en galego (1999, premio Carvalho Calero 1998 de Investigación Lingüística), O fidalgo e o teatro. Tres textos dramáticos de Ramón Otero Pedrayo (1999), Os pronomes demostrativos: do latín ao galego contemporáneo (2002), A lingua literaria galega decimonónica (2005, en colaboración con outros autores), A lingua galega no cancioneiro de Pérez Ballesteros (2006, finalista nos Premios da Crítica de Galiza), O complemento preposicional en galego (2010) etc. É tamén o tradutor para o galego do Curso de Lingüística Xeral de Ferdinand de Saussure (2005) e participa no movemento asociacionista cultural de base, nomeadamente desde a AC Alexandre Bóveda da Coruña, da cal é vicepresidente.